Witiker Turner

Panne beim Turner 207 ... oder eine wirklich wahre Weihnachtsgeschichte

Sat, 23 Dec 2023 17:25:33 +0100

Tja, wenn's schief geht, dann wirklich schief.

Die "neue" Ausgabe des Turners ist eigentlich eine alte Ausgabe. Und zwar jene von vor genau einem Jahr. Auf der Strecke zwischen Redaktion, Druckerei und den fleissigen Verteilern ist gleich mehrfach übersehen worden, dass es sich um die falsche Ausgabe handelte. Ich würde sagen: Wir schieben es auf den doch ziemlich gängigen Stress vor Weihnachten und lachen einfach drüber.

Die richtige Version des Turners findet ihr dafür hier zum Herunterladen und wird auch per Mail an alle Mitglieder versendet - inklusive einer Einladung zur Generalversammlung am 9. Feburar.

]]>

Witiker Turner Nr. 206

Tue, 23 Jan 2024 15:32:59 +0100

S jahr isch scho wiit fortgschritte und die meiste
verzwiiflet wahrschinli gat i dere Affehitz. Was gitts da
bessers als en nigelnagelneue Turner wo eim e (leider
nur mentali) Abchüelig gitt?! S isch vill lässigs passiert
sitt de letzte Usgaab: GVs, Reise und mir hend sogar es
neus Logo!! Ier defed jetz alles samt Bildli go nahlese
und debie gat au no eui graue Zelle mit me chliine
Sudoku usefordere. Mir vom Handball zumindest
freued eus alli riesig uf die neui Saison im Herbst und
ich glaub aber mier spreched für eus alli wemmer seged
„und uf chüeleri Temperature!“
Vill Spass mitem Turner!
Chefredaktion Malin & Marisa

]]>

Witiker Turner Nr. 205

Tue, 23 Jan 2024 15:29:45 +0100

Da wäremer scho bi eusere zweite Uusgab vom Turner
und de erste i dem neue Jahr. Mir hoffed ier sind sowiit
guet is 2023 gstartet!
Bim TVW, em DTV und de Männerriegler isch scho vill
gloffe, wiener idem Turner gseh werdet. Mir hend sogar
es Chrützworträtsel becho für die Usgaab! Mir würed
eus freue, gäbts au in Zuekunft wiiteri Biiträg vo eu für
de Turner, will er lebt neb euse editorische Künst
nemmli devo ;) Alles isch wilkomme!
I dem Sinn vill Spass bi dere Usgaab,
Chefredaktion Malin & Marisa

]]>

Witiker Turner Nr. 204

Fri, 04 Nov 2022 15:58:17 +0100

Die 204. Ausgabe des Witiker Turners ist Ende 2022 erschienen. Erstmals verantwortlich die neuen Redakorinnen Marisa und Malin.

]]>

Witiker Turner Nr. 203

Wed, 08 Feb 2023 09:43:39 +0100

So. Jetzt isch es offiziell:

Neu werdet d Malin und d Marisa zeme d Redaktion vom Turner überneh.

Viel meh gits au garnöd zsäge, usser dass ich mich nomal bi allne will bedanke, wo mir fliessig Brichtli zuegschickt hend und gluegt hend, dass es au öppis zläse git! Verbesserigspotenzial gsehni dütlich bide Chartegrüess! Wär schön, wür di eint oder ander Charte mal bide neue Redaktorinne lande.
Mit dem: Viele Dank und es redaktionells Tschüss
Sabrina

]]>

Witiker Turner Nr. 202

Wed, 08 Feb 2023 09:47:55 +0100

Sit ich der Turner überno han sind ca. 12 Usgabe und glichviel Editorial entstande. Mer chönti meine ich wär chli kreativer worde, dem isch leider nöd so. Das Editorial isch jedesmal es grosses Fragezeiche - zum Glück han ich nie Schriftstellerin welle werde.
Dasmal han ich aber doch no öppis zverzelle. Und zwar wird ich mis Turner_Amt abgeh. Ihr chönd also hoffe, dass di zuekünftige Turner wieder chli ihfallsricheri Editorials zum lese büte werdet!
Di nächsti Usgab wird no mit minere Unterstützig uf d Bei gstellt, trotzdem will ich mich a dere Stell schomal bi allne fliessige TVW-Brichtschriiber:inne bedanke! Es isch glaub keis Gheimnis, dass de Piero en bsundrigs fliessige Brichtschriiber isch. Darum no en spezielle Dank an Piero! Dankeschön für all die Bricht, wo de Leser:inne immer wieder en Ihblick id Turnstunde und i di laufende Gschehnis ermöglicht hend.
Ich hoffe natürlich, dass es wieterhin spannendi Bricht vo jeglichste Brichtschriiber:inne git :) Und au, dass es viellicht no chli meh werdet, jetzt wod Verahstaltige wieder stattfindet!
Wemmer gad scho bi de Verahstaltige sind, wenner wieter blätteret findet ihr grad drü!
Demfall…..
…..mer gseht sich!

]]>

Witiker Turner Nr. 201

Wed, 08 Feb 2023 09:49:21 +0100

So schnell gahts und es isch schowieder Ziet de negsti Turner zmache. Es isch so schnell gange, dass ichs - ganz ehrlich - fast verpasst hetti. Darum chunt die Usgab mit sehr sehr grosser Wahrschindlichkeit bizli später zu eu als eigendlich vorgseh gsi wär. Aber es stellt sich au d Frag, wer dass scho söll merke ussert ich? Ich nime nemmlich schwär ah, dass ihr nöd jede Tag mit voller Erwartig uf de Turner i eue Briefchaste lueged ;) Aber au dasmal gits es paar Biiträg über d Gschehnis vode letzte Mönet. Es lohnt sich also z blättere :))

Und will ich de Turner so spat gmacht han, chan ich eu vermuetli au scho schöni Fiirtig und en guete Rutsch is neue Jahr wünsche!

Und wie immer: ich freu mich über Biiträg vo eu! De Turner isch nur lässig zum lese wenn er auno anderi Sache als GV Protokoll und GV Ihladige präsentiert.

]]>

Witiker Turner Nr. 200

Wed, 08 Feb 2023 09:51:05 +0100

Never change a winning team...
...das chamer im sportliche Sinn verstah, mues mer aber nöd. Will au in
anderne Aspekt vom Lebe isch de Satz durchus ahwendbar. So au bi
technische Ahglegeheite. Vor es paar Wuche han ich min Laptop müese
update nach dem ich für öppe 3 Jahr „morgen erinnern“ gwählt han. Die
Prozedur hät mich den nur öppe 6 Stund und unzähligi Nerve kostet. Ende
gut alles gut? So häts zumindest am Ahfang usgseh.
Doch a dem eine Tag hani welle de Turner wie gwohnt im InDesign gstalte.
Das InDesign isch scho über mehreri Witiker Turner Redaktione hinweg
brucht worde und chunt so zsäge us de Steiziet vo Adobe womer no kei
Abonnaments hät müesse mache. Und JETZT isch de Moment cho wo kei
Kompatibilität mit neue Betriebssystem me unterstützt wird. GENAU
JETZT, wo ich dank minere Masterarbeitsabgab bi bestem Wille kei vörigi
Ziet han um mich mit so müehsamem Computergscheus usenand zsetze.
Relativ schnell hani denn aber e Alternative gfunde wo sogar InDesign
Dateie öffne chan. Leider aber nur die Dateiform vode NEUE InDesigns.
Was gheisse het, dass ich s Layout vom Turner auf die Schnelle han müese
reproduziere...
Lange Rede kurzer Sinn: De Turner wird ab jetzt mit eme Programm
erstellt, wo ich sit eim Tag kenne. Wenner fertig isch viellicht 4.
Darum: Bitte bizli Verständnis, wenn sich de Turner nöd ganz so ahgnehm
lese laht, wie sust :) Für di negsti Usgab han ich denn wider chli meh Ziet
für d Finesse. Aber s Wichtigste sind ja sowieso d Brichtli, und vo dene hets
zum Glück wieder gnueg geh.

]]>